Diş elaynerləri nədir? Onlar breketlərdən nə ilə fərqlənir? Diş elaynerlərini taxmaq nə qədər rahatdır? Diş elaynerləri nə qədər effektivdir? Dişləri elaynerlərlə düzəltmək mümkündürmü? Bu və digər suallar stomatoloqlara hər gün pasiyentlərin gündəlik qəbulu zamanı verilir.

Elaynerlər diş sırasının düzgün olmaması problemini aradan qaldırmaq üçün ortodontik müalicə metodlarından biridir. Elaynerlər, digər ortodontik müalicə üsulları kimi, bu gün çoxfunksiyalıdır və diş-çənə deformasiyalarının düzəldilməsi üzrə ən çətin tapşırıqları yerinə yetirir. Hər keçən gün elaynerlərin istifadəsi metodikası təkmilləşir, həmçinin bu elaynerlərin hazırlanmasında istifadə olunan proqram təminatı və materiallar inkişaf edir.

Dünyada elaynerlər istehsal edən və bu elaynerləri stomatoloqlar vasitəsilə bütün dünyaya yayan bir neçə məşhur brend mövcuddur. Bu elaynerlərin üstünlüklərindən biri də onların fərdi şəkildə hazırlanmasıdır: xüsusi mərkəzlər pasiyentlər üçün düzgün diaqnostika və proqnozlaşdırma apararaq fərdi müalicə planı tərtib edir. Bu müalicə üsulları çox effektivdir və bütün dünyada populyardır.

Lakin bu materialların və müalicə metodlarının xarici ölkələrdə istehsal olunması səbəbindən onların sifarişi və klinikalara gətirilməsi, həmçinin pasiyentlər üçün vaxt və maliyyə baxımından problem yarada bilər. Tibbi məqsədlərlə istifadə olunacaq bütün materialların Səhiyyə Nazirliyində qeydiyyatdan keçməsi və yalnız bundan sonra gömrük bəyannaməsindən keçməsi tələb olunur. Bu proses ümumi maya dəyərini artırır və müalicəyə başlamaq üçün lazım olan vaxtı uzadır.

Hazırda bir çox təlim mərkəzləri stomatoloqları klinikalarda elaynerləri müstəqil olaraq istehsal etməyi öyrədir. Bu metodika xüsusi proqram təminatı və avadanlıqlar vasitəsilə individual ortodontik elaynerlərin hazırlanmasını mümkün edir ki, bu da onların maya dəyərini həm həkim, həm də pasiyent üçün bir neçə dəfə azaldır.

Elaynerlər ən gigiyenik ortodontik qurğulardan biridir, çünki onlar əlavə yapışdırıcı fiksasiyaya ehtiyac duymur və ağız boşluğunun əlavə təmizliyini tələb etmir. Onları asanlıqla çıxarmaq, adi diş fırçası və gigiyena vasitələri ilə yumaq mümkündür. Bundan əlavə, elaynerlər hər həftə və ya hər 10 gündən bir dəyişdirilir ki, bu da onların gigiyenik və estetikliyini qoruyur.

Breketlər və digər ortodontik cihazlarla müqayisədə elaynerlər demək olar ki, dişlərdə görünmür, danışıq zamanı mane olmur, dodaqlara ilişmir və onların taxılmasına xüsusi əks göstəriş yoxdur. Elaynerlərin hazırlandığı müasir materiallar həm kimyəvi, həm də fizioloji tərkibinə görə fərqlənir. Ən populyar materiallar nəmlik qəbul etmir, bu səbəbdən ağız boşluğunda mikrofloranın yığılmasına səbəb olmur, daha gigiyenik və incədir.

Elaynerlərin elastikliyi və forma yaddaşı onlarla ən çətin hallarda işləməyə imkan verir və dişlərin periodontuna artıq yük salmır.

Nəticə olaraq qeyd etmək istərdik ki, düzgün planlaşdırılmış elaynerlə müalicə daha proqnozlaşdırıla biləndir və breketlər və digər ortodontik sistemlərlə müqayisədə müalicə müddəti bir neçə dəfə qısadır. VADent klinikasında elaynerləri sifariş etməzdən əvvəl müalicənin son nəticəsini əks etdirən virtual diş düzülüşünü sifariş edə bilərsiniz. Bu, sizə müalicənin nə qədər vaxt aparacağını, nəticəni və xərcləri əvvəlcədən bilmək imkanı verəcək.